Nahi .. yaad hai..
Yaad hai vo kap kapati thand
Yaad hai vo rajai main choti si jagah chhutne se jhankti hui thand
Yaad hai vo aag taapte haath..
Yaad hai vo moongfali and gazak ka saath…
Yaad hai vo bathroom main 2 minute main naha ke aana..
Yaad hai vo bed se bilkul chipka ke heater lagana…
Yaad hai vo Mummy ka rajai ka khich ke uthana..
And humara usi rajai ko wapas khich ke so jana
Yaad hai vo kohre main gaadi chalana…
Yaad hai vo raston main kho jana
Yaad hai vo kadkadati thand main garam garam kadhai wala dudh sip sip kar pi jana..
Yaad hai vo garma garam Gulab Jamun ke saath ice cream Mila ke khana..
Yaad hai vo apne aap ko kapdon ki parton main pack karna..
Yaad hai baar baar thanda hua khana garam karna..
Yaad hai rajai main ghusne ke baad na nikalne ke bahane banana ..
Yaad hai papa ki ek awaaz aate hi bistar se uth jana
Yaad hai mer dadi dada ke liye raat ko dudh banana
Yaad hai unka daily subah 5 baje uth ke walk ko nikal jana
Sab yaad hai, itna aasan thodi hai dilli Gzb ki sardi ko bhul jana..
Aur kaun kambakht chahta hai in palon ko bhul jaana.
Yahi to hai is duniya ka sabse keemti khazana