Ek anchaha par zaroori din
Aaya hai Ek din, jo hai bahut dusht,
Ghoor raha hai door se, kar ke humko rusht.
aata hai gussa bahut,
par hote hain thode khush,
kabhi kabhi rote hain,
phir khilkhila ke has dete hain.
ab bina dekhe rate,
zyaada magayenge plate,
jayenge oonche oonche hotel main,
phir bhi nahi bharega pet.
ghoomenge badi badi gadiyon main,
band honge saare gate,
bahar jhankne ka man hoga,
par jhaanka to ho jaayenge late.
kabhi kabhi jab hoga man movie ka,
aayegi yaad deadline,
lagega apna director us Boss se acchha,
hum bas yahi bol paayenge “Yes Sir, its fine”.
Jin logon ke saath kia tha ye safar,
unse rukawat ke liye khed hai,
ab to lagega is zindagi main,
jaise kami ka shade hai.
canteen ki vo pavitra dharti jahan,
mandir ki tarah roz padhare they,
ab to dafter ki canteen library jaise lagegi,
jahan majboori main hi paye jate they.
kuch jagah hain aisi jahan ab humare alawa koi aur latakne jaayega,
ab koi aur humari jagah college ke bahar sutta marte nazar aayega.
sapne jo dekhe the saath mil kar,
toot sakte hain
per jo pal saath jiye,
jo kaam saath kiye,
unke nishaan ab mit nahi sakte hain.
Written in August 2007